Yaadon ke pinjre se uda ek parinda hai..
Naam se tere hua roshan aaj mera gharonda hai
Chai ki chuskiyon se
Pakodon ki chutney ki chatkari se
Baatein teri yaad aati hai
Teri saansein hai yeh
Jo awaam mehka jaati hain
Aisa lagta hai maano tu mere kareeb hai
Aaj muskura raha jaise mera naseeb hai
Khamoshiyon mein bhi ek sukoon hai
Mere zehen mein maano tera hi junoon hai
Hatheli mein maano tera haath hai
Lag raha hai jaise jag saara mere saath hai
Tere khuspusane ki aawaz kaano mein gunjti hai
Gudguda rahi teri awaaz pata mera puchti hai
Aankhein meri tere ishare samjhti hai
Sharmate huye nazar meri jhuka deti hai
Baahon mein teri ab zindagi nazar aati hai
Mohabbat teri diwaana bana deti hai
Palat k dekha jab tujhe toh tu kahi jaa chuka tha
Waqt teri khushi ka bana gawah tha
Aankhon se aansu bahe bhale hi
Par dil muskura raha tha
Kyuki dil tere aane ki aas laga baitha tha
Yaad tha tera waada k tu chodh k naa jaaega kabhi
Unn yaadon aur ummeed ko thame baitha yeh dil banjaara hai
Yaadon ke pinjre se uda ek parinda hai..
Naam se tere hua roshan aaj mera gharonda hai..
No comments:
Post a Comment