Maa, Main Jalna Nahi Chahti Hoon

Trigger Warning:

Maa, aaj main bina darein ghar aana chahti hoon

Teri god mein sar rakh ke apna sapna batana chahti hoon

Aaj main raat ko ser pe jaana chahti hoon

Par chahe jo bhi ho 

Maa, main jalna nahi chahti hoon!

Par ab mushkil lag raha hai yeh

Kinn darindo ke haathon phans gayi main Maa

Mujhe pata hai tu meri raah dekh rahi hai

Par kaise batau tujhe 

Yaahaan meri aah nikal rahi hai

Maa, maine kisika kya bigada tha?

Main toh bas apne raste chal rahi thi

Kya mujhe sapne dekhna mana hai?

Kya mujhe jeene dena duniya ke liye saza hai?

Main toh inki beti ki umar ki hoon, Maa

Phir kyu mere saath yeh hua?

Maa, kyu khela inhone meri zindagi ke saath jua?

Maa, in cheel-kauwon se bacha le mujhe
Main bahut dar rahi hoon

Maa, main jalna nahi chahti hoon.

Maa, main tere liye lad rahi hoon

Is bistar pe leti aakhri sanse gin rahi hoon

Maa, ab main apne sapne dekhne jaa rahi hoon

Tu sukun rakhna maa, 

Wahaan koi mujhe haath lagana toh door

Mujhe koi gandi nazar se bhi nahi dekhega

Tu apna dhyaan rakhna

Bhul na jaana jo mere saath hua

Maa, mera har pal saath degi teri dua

Ab bas main so jaana chahti hoon

Par chahe jo bhi ho 

Maa, main jalna nahi chahti hoon

Yeh kya hua maa,

Kyu aag ki lapte lap-lapa rahi hain

Maa, in anjaan logo ki awaazein mujhe daraa rahi hain

Maa, teri cheekhein sunai de rahi hai

Maa, tu rona nahi

Main yahin hoon tere paas
Koshish kar, hoga tujhe ahsaas

Maa, meri ladayi lambi hai

Meri awaaz chup karayi hai

Par aaj bahuton ki neend udayi hai

Aaj sab meri ladayi ladne aaye hain

Maa, tu chinta na kar, 

Yeh ladayi hum sab jeetengey

Bas tu himmat rakh

Ab main bas baith ke insaaf ka intezaar rahi hoon

Bahut thak gayi hoon Maa,

Ab bas, main thodi der sona chahti hoon.

Maa Baba

Aaj door hoon, akeli hoon, halaaton se majboor hoon
Maayus hoon, roti hoon,

Maa-baba tumhare paas aane ko tarasti hoon

Ek sheher mein hoon,

Phir bhi dooriyaan mehsoos karti hoon

Baba ki subah ki chai 

Aur maa ki rotiyaan yaad karti hoon

Maa-baba tumhare paas aane ko tarasti hoon

Roz video call pe tumhe dekhti hoon

Haste huye dard chupa jaati hoon

Jab nahi hansa jaata

Toh kharab network ka bahaana bana deti hoon

Kaise batau 

Maa-baba, main tumhare paas aane ko tarasti hoon

Covid ki manhoosiyat ko kosti hoon

Aa sakti hoon wahaan 

Par tumhe risk pe laane se darti hoon

Kaise bataun kitni akeli hoon

Maayus hoon

Maa-baba, main tumhare paas aane ko tarasti hoon

Baba, tumhari harmonica ki dhun sunne ka mann kar raha hai

Maa, tumhari god mein sar rakh ke sone ka mann kar raha hai

Bhindi, rajma, ya chicken, kya banega,  yeh behes karne ka mann kar raha hai

Aaj jab tum dono se puch puch khaana banati hoon

Labon tak laake baat badalti hoon,

Ab bas bol dena chahti hoon,

Maa-baba, main tumhare paas aane ko tarasti hoon

Dua maangti hoon yeh waqt bhi guzar jaye jald hi

Daud k tumhare paas aungi main

Phir wahi tumhari pyaar bhari daant khaungi main

Baba ki adrak wali chai aur biscuit k sang
Maa, tumhari ki khinchai karengey hum

Khuda na khaasta kabhi saat k liye na tarsengey hum

Aaj uss din ki bas ummeed lagaye baithi hoon

Kyuki

Maa-baba, main bas tumhare paas aane ko tarasti hoon!

Purana Khat

 

Har roz kuch baatein sunti aur kuch sunati hu

Kuch mann hi mann hi sochke 

Bada muskuraati hu

Haste hasate din guzarein hain maine

Aaj ek raaz ki baat batati hu

Kyuki aaj ki baat thodi alag hai yaaro

Chalo

Aaj ek purana khat padh ke sunati hu

Andhero mein roshni talashti hu

Bheed mein khadi khush badi ho jaati hu

Aakhir in sab mein se ek hu main, 

Khush hu

Khudko kabhi akela nahi paati hu

Baarish mein adrak wali chai ki chuski ki tarah

Ek mazze ki baat baatati hu

Chalo

Aaj ek purana khat padh ke sunati hu

School college bunk karke 

Teacher ki daanth khaa chuki hu

Phir reunion pe unhi teachers ke gale lag ke aaj roti hu

Doston ko WhatsApp, FaceTime bhale hi nah karu

Par tapri ke chai-sutte aaj bhi yaad karti hu

Aaj waqt k pahiye ko thoda peeche ghumati hu

Chalo

Aaj ek purana khat padh ke sunati hu

Sutta - Sharab - Ganja sab apni jagah hai

Par raat ke 4 baje ki cycle wali bhurji ki toh waah waah hai

Aaj yaaro ke bina woh bhi bas bewajah hai

Bas beetein huye pal yaaad kar

Ab mann hi mann muskuraati hu

Chalo

Aaj ek purana khat padh ke sunati hu!

Numaish

Kayi baar dil lalchaya bhale
Par kabhi farmaish nah ki

Tujhse ab shikwa kya karein
Jab kabhi humne hi mohabbat ki numaish na ki

Muskurate huye takleef huyi bahut
Par kabhi kuch batane ki aziyat nah ki
Duniya ko zaalim kyu kahein

Jab humne hi kabhi reham ki guzarish nah ki

Tujhse ab shikwa kya karein
Jab kabhi humne hi mohabbat ki numaish na ki

Mazloom banke hamdardi milti zaroor

Par iss dard ko hauwa banane ki jurrat nah ki

Dil roya bahut huzoor

Par kabhi dil ka haal batane ki koshish hi nah ki

Kya karein, khuddhar hain bahut

Kabhi kisiki meherbaani ki khwahish nah ki

Tujhse ab shikwa kya karein
Jab kabhi humne hi mohabbat ki numaish na ki

Shafqat ki ummeed lagaye baithe they hum
Par kabhi teri fıtrat jaanne ki himmat nah ki

Ranjishein rakh ke ab kya milega humein

Galti humari thi

Jo humne kabhi teri wafadari ki azmaaish nah ki

Tujhse ab shikwa kya karein
Kyuki humne hi apni mohabbat ki numaish na ki!

Chahti hu!

Aankhen band kar, thodi der sona chahti hu

Aaj main dil khol ke rona chahti hu

Sawaan ke mahine mein, baarish mein bheegna chahti hu

Aaj iss hawa k sang dolna chahti hu

Chanda pe sawaar ho ke, taaro ki seir pe jaana chahti hu

Aaj main badalo k beech ghoomna chahti hu

Ek nayi kitaab ke panne kholna chahti hu

Aaj ek nayi kahaani likhna chahti hu

Ek hi sheher mein rehke bhi door hu

Aaj main ghar wapas jaana chahti hu

Panchiyon se kuch pankh udhaar lena chahti hu

Aaj main bas udd jaana chahti hu

Thak gayi hu rozmarra ki bhaag daud se

Aaj bas ruk jaana chahti hu

Aankhen band kar, thodi der sona chahti hu

Aaj main dil khol ke rona chahti hu

A Little Dream

I had a little dream last night

I was at an office that felt so right!

The boss was weird but caring too

Desperate to be liked

There was something, he was always upto

He had an assistant - a kiss-ass, conservative

He wanted to be at the top and was a loyal friend

The one who achieved his goal finally at the end

His love life was tattered but he never gave up

Even when his stapler was put in a jello filled cup

There was an acapella singer who tried really hard to fit in

He was a little boy who was seeking validation from within

There was an angry uncle who knew he could earn more

But his team he adored

The woman he shared the desk with

Was a little matronly

Who eventually learnt to speak her mind brazenly

There was a group of 3 financial minds

One funny, one witty and one perpetually angry

They ganged up on one another every now and then

But with any external threat, their unity would awaken

And then was a prankster couple made in heaven

They laughed and giggled

Fought and snuggled

But always found their way to each other

I watched them all as an outsider 

I watched as they became from enemies to friends to family

And made me love them instantly

Suddenly, I woke up with my alarm blaring

Awake and staring at the ceiling, I wondered

Was this a utopian world - I pondered

My left brain suddenly sprang to action

No silly, it said

This is what every office is like

You hate them all but you also love them all

You compete, support and fight

No matter where you are, you will always find

An Oscar, a Stanley, an Angela, a Michael, a Jim & a Dwight!